ယနေ့သိပ္ပံနှင့် နည်းပညာနယ်ပယ်မှာ နာနိုနည်းပညာရဲ့အရေးပါမှုဟာ တဖြည်းဖြည်း ပိုမိုမြင့်တက်လာနေပါတယ်။ နာနိုနည်းပညာနဲ့ ပတ်သက်တဲံသတင်းနဲ့ရှင်းလင်းဖော်ပြချက်တွေကို စာအုပ်တွေနဲ့အင်တာနက်ပေါ်မှာ အများအပြားတွေ့မြင်နိုင်မှာဖြစ်ပါတယ်။ နာနိုနည်းပညာဆိုတာကတော့ တစ်မီတာရဲ့အပုံသန်းတစ်ထောင်ပုံတစ်ပုံဖြစ်တဲ့ နာနိုမီတာနဲ့ တိုင်းတာလုပ်ကိုင်ရတဲ့ အက်တမ်နဲ့ မော်လီကျူးအရွယ်အရာဝတ္ထုတွေကို လေ့လာစမ်းသပ်တဲ့ နည်းပညာတစ်ရပ်ပဲဖြစ်ပါတယ်။
သိပ္ပံနဲ့နည်းပညာနယ်ပယ်၊ ကုန်ထုတ်လုပ်ရေးနယ်ပယ်အပြင် နယ်ပယ်အများအများမှာ သိသာတဲ့ ပြုပြင်ပြောင်းလဲမှုတွေဖြစ်ပေါ်လာစေနိုင်တဲ့ နည်းပညာအဖြစ် ပညာရှင်အများအပြားက သတ်မှတ်ထားကြပါတယ်။ နာနိုနည်းပညာတိုးတက်မှုဟာ လက်တွေ့နယ်ပယ်ထဲကို တဖြည်းဖြည်းဝင်ရောက်လာပြီး နာနိုနည်းပညာအသုံးချ ကုန်ပစ္စည်းထုတ်လုပ်မှုတွေကလည်း တဖြည်းဖြည်း စတင်လာနေပြီဖြစ်ပါတယ်။
နာနိုနည်းပညာဟာ တကယ်တော့ ကွဲပြားခြားပြီး နယ်ပယ်မျိုးစုံပါဝင်တဲ့ ကျယ်ပြန့်တဲ့နည်းပညာဖြစ်ပါတယ်။ ကုန်ထုတ်လုပ်ရေး၊ ကျန်းမာရေးနဲ့ စွမ်းအင် ကဏ္ဍတွေ အပါအ၀င် နာနိုနည်းပညာကို အသုံးပြုဖို့ သုတေသနလုပ်နေတဲ့ နည်းပညာနယ်ပယ်ပေါင်း များစွာရှိပါတယ်။ နာနိုနည်ပညာဟာ နယ်ပယ်အသီးသီးမှာ နည်းပညာပိုင်းတိုးတက်ပြောင်းလဲမှုအပြင် သဘောထားအမြင်နဲ့ အတွေးအခေါ်ပိုင်းမှာပါ ပြောင်းလဲစေနိုင်တယ်လို့ ဆိုကြပါတယ်။
လက်ရှိသိပ္ပံနည်းပညာနယ်ကယ်အသီးသီးရဲ့ အနာဂတ်ကို တိုးတက်မှုအပေါ်မှာ နာနိုနည်းပညာဟာ အကျိုးသက်ရောက်မှု ရှိနိုင်မှာဖြစ်ပါတယ်။ နာနိုနည်းပညာရဲ့ ကွဲပြားခြားနားတဲ့နယ်ပယ်အသီးသီးမှာ ဒီနည်းပညာရဲ့ လက်ရှိအခြေအနေနဲ့ အနာဂတ်အလားအလာတို့နဲ့ ပတ်သက်ပြီး ဆွေးနွေးငြင်းခုန်မှုတွေ အများအပြားရှိပါတယ်။ နာနိုနည်းပညာဟာ လက်ရှိအချိန်မှာ မရှိသေးတဲ့ ဓာတ်ပစ္စည်းအသစ်တွေကို ထုတ်လုပ်နိုင်စွမ်းရှိပြီး စွမ်းအင်နဲ့ဆေးပညာလို ကဏ္ဍတွေအတွက် လမ်းကြောင်းသစ်တွေ ဖော်ဆောင်နိုင်မှာဖြစ်ပါတယ်။ ဒါပေမယ့် နာနိုနည်းပညာနဲ့ထုတ်လုပ်မယ့် အရာဝတ္ထုပစ္စည်းသစ်တွေရဲ့ သဘာဝပတ်ဝန်းကျင်အပေါ် ရိုက်ခတ်မှုနဲ့ပတ်သက်ပြီး စိုးရိမ်နေတဲ့သူတွေလည်းရှိပါတယ်။ နာနိုနည်းပညာအပေါ်အကောင်းမြင်သူရော အဆိုးမြင်သူပါ အများအပြားရှိပြီး သုတေသနလုပ်ငန်းတွေ ရှေ့ဆက်တိုးချဲ့ဖို့အတွက်လည်း သဘောထားအမျိုးမျိုးရှိပါတယ်။
အစိုးရပိုင်းအဖွဲ့အစည်းတွေမှာလည်း နာနိုနည်းပညာသုတေသနအတွက် ငွေကြေးထောက်ပံ့မှုနဲ့ပတ်သက်လို့ အငြင်းပွားမှုတွေရှိနေပါတယ်။ ဒါပေမယ့် နည်းပညာကုမ္ပကြီးအများစုကတော့ နာနိုနည်းပညာသုတေသနတွေကို တိုးချဲ့လုပ်ကိုင်လာနေကြပါတယ်။
နာနိုနည်းပညာဟာ ဖွံ့ဖြိုးတိုးတက်လာကာ မကြာသေးတဲ့ နယ်ပယ်သစ်တစ်ခုဖြစ်ပေမယ့် ဒီနည်းပညာနဲ့ ပတ်သက်တဲ့ အတွေးအခေါ်တွေကတော့ သိပ္ပံပညာရှင်တွေကြားမှာ ယခင်ကတည်းက ပေါ်ပေါက်နေခဲ့ပြီဖြစ်ပါတယ်။ ၁၉၈၀ ပြည့်လွန်နှစ်တွေအတွင်းမှာတော့ နာနိုနည်းပညာနဲ့ပတ်သက်တဲ့ အစောပိုင်းအတွေးအမြင်နဲ့ စမ်းသပ်ချက်တွေဟာ လူထုရဲ့မြင်ကွင်းအောက်ကို ရောက်ရှိလာခဲ့ပါတယ်။ အဲဒီနောက်ပိုင်းနှစ်တွေမှာတော့ နာနိုနည်းပညာကို စိတ်ဝင်စားတဲ့ ပညာရှင်တွေ တဖြည်းဖြည်းများပြားလာခဲ့ပြီး သုတေသနပြုတဲ့ နယ်ပယ်တွေလည်း အမျိုးစုံဖြစ်လာခဲ့ပါတယ်။ ပြီးခဲ့တဲ့ ဆယ်စုနျစ်အတွင်းမှာတော့ နာနိုနည်းပညာတိုးတက်မှုဟာ အရှိန်အဟုန်ရလာပြီး အရေးပါမှုလည်း တိုးတက်လာခဲ့ပါတယ်။
နာနိုနည်းပညာမှာ နယ်ပယ်ပေါင်းစုံ ပါဝင်လာပြီးတဲ့နောက် နာနိုအရာဝတ္တု သုတေသန၊ Battom-up နဲ့ Top-down ချဉ်းကပ်မှုပုံစံ စသည်ဖြင့် အမျိုးအစားတွေ ခွဲခြားထားကြပါတယ်။ နာနိုအရာဝတ္ထုသုတေသန မျိုးစုံပါဝင်တယ်။ Battom-up နဲ့ Top-Down ချဉ်းကပ်မှုပုံစံတွေမှာ သုတေသနပုံစံကိုလိုက်ပြီး DNA နာနိုနည်းပညာ၊ နာနိုဓာတုဗေဒ၊ စူပါမော်လီကျူးဓာတုဗေဒစတဲ့နယ်ပယ်များစွာ ပါဝင်ပါတယ်။
နာနိုပညာကို လက်တွေ့နယ်ပယ်မှာ အသုံးချမှုတွေရှိလာပြီဖြစ်ပေမယ့် ထင်ထင်ရှားရှား သတိပြုမိစေမယ့် အရာမျိုးတွေတော့ နည်းပါးနေပါသေးတယ်။ နာနိုနည်းပညာရှင်တွေကတော့ လက်တွေ့နယ်ပယ်မှာ အသုံးပြုမှုတွေဟာ ဘေးအန္တရာယ် ကင်းရှင်းတယ်လို့ ဆိုကြပါတယ်။ ဒါပေမယ့် နာနိုနည်းပညာတွေအသုံးပြုပြီး လက်နက်အသစ်အဆန်းတွေ ထုတ်လုပ်လာမယ့် အလားအလာတွေလည်း ရှိနိုင်ပါတယ်။
ဆေးပညာနဲ့ပတ်သက်ပြီး အသုံးပြုနေတဲ့ နာနိုနည်းပညာသုံးပစ္စည်းတွေနဲ့ပတ်သက်ပြီးတော့်လည်း ကျင့်ဝတ်ပိုင်း၊ တရားဝင်မှုအပိုင်းတွေမှာ အမြင်မတူကြတာတွေရှိပါတယ်။ နာနိုနည်းပညာသုံးဆေးကုသမှုရဲ့ ကုန်ကျစရိတ်နဲ့ အလွယ်တကူရရှိနိုင်မှုကိုလည်း အငြင်းပွားနေကြပါတယ်။ နာနိုနည်းပညာသုံးဆေးပစ္စည်းတွေဟာ ပုံမှန်ထက်ပိုမိုတဲ့ အဆိပ်သင့်မှုတွေဖြစ်စေနိုင်တယ်လို့ ဆိုပါတယ်။ ဒါကြောင့် နာနိုဆေးပညာနဲ့ပတ်သက်ပြီး ဥပဒေတွေနဲ့ ကန့်သတ်သင့်တယ်လို့ ဆိုပါတယ်။ ဒါပေမယ့်သုတေသနပညာရှင်တွေကလည်း ဥပဒေတွေနဲ့ ကန့်သတ်မှုများပြားလာရင် နည်းပညာတိုးတက်မှုကို အဟန့်အတား ဖြစ်စေနိုင်တယ်လို့ ဆိုပါတယ်။
အငြင်းပွားမှုတွေ အမျိုးမျိုးရှိနေပေမယ့် နာနိုနည်းပညာနယ်ပယ်မှာတော့ သုတေသနတွေဟာ ရှေ့ဆက်လုပ်ဆောင်နေဆဲဖြစ်ပါတယ်။ နာနိုနည်းပညာဖွံ့ဖြိုးတိုးတက်ဖို့အတွက် အမေရိကန်နိုင်ငံဟာ ဒေါ်လာ သန်း ၃၇၀၀ ခန့် ရင်းနှီးမြုပ်နှံခဲ့ပြီး ဥရောပသမဂ္ဂက ဒေါ်လာသန်း ၁၂၀၀ နဲ့ ဂျပန်က ဒေါ်လာ သန် ၇၅၀ ခန့် ရင်းနှီးမြှုပ်နှံထားပါတယ်။ သြစတြေးလျ၊ ဗြိတိန်နဲ့ ကနေဒါနိုင်ငံတွေမှာတော့ နာနိုနည်းပညာနဲ့ပတ်သက်ပြီး တင်းကျပ်တဲ့ဥပဒေတွေ ပြဌာန်ြး့ပီး ထိန်းချု့ပ်ဖို့ စီစဉ်နေပါတယ်။ ဒါပေမယ့် နာနိုနည်းပညာရဲ့တစ်နေ့တခြား အရေးပါမှုကတော့ မငြင်းနိုင်တဲ့အချက်ဖြစ်ပါတယ်။
Written by ကျော်ကျော်သက်
credit;Tech space
.jpg){kind=small}
.jpg){kind=small}
0 comments:
Post a Comment